Հաստատվել են մահվան պահը արձանագրելու կանոնները

Ռուսաստանի կառավարությունն առաջին անգամ հաստատել է մարդու մահվան պահը արձանագրելու և վերակենդանացման միջոցառումները դադարեցնելու կանոնները: Համապատասխան դրույթը ընդունվել է սեպտեմբերի 20-ին և տպագրվել է «Российская газета» թերթում:

Փաստաթղթից հետևում է, որ մարդու մահ է հանդիսանում «նրա գլխուղեղի մահվան պահը կամ նրա կենսաբանական մահը (մարդու անդառնալի մահը)»:

Գլխուղեղի մահի ախտորոշումը կատարում է այն բուժհաստատության բժիշկների կոնսիլիումը, որտեղ գտնվել է հիվանդը: Կոնսիլիումի կազմի մեջ, ըստ փաստաթղթի, պետք է պարտադիր ներկա լինեն անեսթեզիոլոգ-ռեանիմատոլոգը և նյարդաբանը: Բոլոր մասնակից մասնագետները պետք է 5 տարուց ոչ պակաս աշխատանքային ստաժ ունենան: Միևնույն ժամանակ, կոնսիլիումի կազմի մեջ իրավունք չունեն գտնվել այն մասնագետները, ովքեր մասնակցում են օրգանների և հյուսվածքների փոխպատվաստման աշխատանքներին: 

Կենսաբանական մահը փաստում է բժիշկը կամ ֆելդշերը և հատուկ ակտ է  ձևակերպում, որը նույնպես հաստատվում է վերոհիշյալ դրույթով:

Բացի դրանից, որոշվել է ռեանիմացիոն միջոցառումների կարգը, որոնք հարկ է դադարեցնել, եթե բժիշկներն արդեն ընդունել են, որ դրանք բացարձակապես անօգուտ են: Դրանք դադարեցվում են, երբ  կենսական կարևոր գործառույթների վերականգնմանը ուղղված ռեանիմացիոն միջոցառումները 30 րոպեի ընթացքում անարդյունավետ են լինում: 

Իսկ նորածինների պարագայում մահ է արձանագրվում 10 րոպեի ընթացքում սրտի բաբախի բացակայության դեպքում:

«Մինչև այսօր բժիշկներն աշխատում էին գերատեսչական հրամաններով, որն ակնհայտորեն անբավարար էր», փաստաթուղթը մեկանաբնել է հրատարակությունը: 

Հարցեր, պատասխաններ, մեկնաբանություններ